Back from death

Thats me

محتاج الدعاء … أكتر من اى وقت

أخينا ربنا نتععه بالسلامه أخيراً …

بس للأسف عندى امتحانات !!!

البيت بيتكم يا جماعه ، هيلب يورسيلف لحد ما آجى .

إدعولى

أهداف …

محافظ على العاده دى من زمان …. زمان أوى ،،
يمكن من 12 سنه تقريباً . فى بداية كل سنه أجيب ورقه وقلم وأكتب خطة السنه الجديده ..
أهداف دراسية ، دينية ، ثقافيه ….. الخ ! ، وبعدين أحدد أهداف الشهر ، وبعدين الأسبوع … وعمرى ما نفذت ولا حتى 20 % من أهدافى ..
المره الوحيده اللى أنجزت فيها أهداف كتير ، عرفت بعد كده إنها كانت أهداف غلط فى غلط ، واتسببت ليا فى مشاكل كتير لسه بعانى من بعضها لحد دلوقتى ..
مش عارف الطريقه دى فى الحياه صح ولا غلط … إن الحياه تبقى مرسومه بالورقه والقلم كده ..
حتى لو مبنمشيش على الخطه اللى رسمناها لنفسنا … تحديد الخطه فى حد ذاته صعب .
يعنى فرضاً لو فى سنه نفذت الخطه كامله … 100% ! هل هكون سعيد ؟! هل هقول أنا كده عملت اللى عليا ؟؟
واحد صاحبى ممارس NLP وتلميذ د.إبراهيم الفقى شخصياً .. بيقولى انت مميز ، مميز جداً !
أنا شايف إنى مش مميز … أنا غريب شويه ! مين قال إن الغرابه تميز ؟؟؟
نفسى إتخلص من عادة الخطه السنويه دى … وفى نفس الوقت مش عاوز .. بقول أهى على الأقل بتحدد الطريق علشان أبقى عارف إنى ممشيتش عليه !
بس بفرح لما أنفذ أهدافى اللى أنا مخطط لها … حتى لو كانت بسيطه وتافهه ، أهم حاجه إنى أعلم قدامها صح فى الورقه وخلاص .. أحياناً - أو دايماً يعنى - بحس إن ده تفكير أهبل قوى ، وأقول أنا كبرت على العبط ده …
بس برجع تانى ، ومع بداية كوووول سنه أكتب فى وسط الصفحة بالبنط العريض :
بسم الله الرحمن الرحيم
خطة العام ….
!!!

————
NLP دى حاجه غريبه كده تبع التنميه البشريه والكلام ده .. بتعمل ايه بالضبط الله أعلم !!

امبارح الساعه 3 بالليل …

الو .. مين ؟؟
- انا محمد ***** يا احمد .
اهلاً ياباشا … خير ؟؟
- انت ممكن تدى حقن ، صح ؟
خير يا باشا حد تعبان ولا ايه ؟
- ماما تعبانه ياحمد وكنت عاوزك تعلقلها محاليل .
والله انا مديتش حقن وريد قبل كده يا محمد .. بس عامة انا هتصرف متقلقش .. 5 دقايق واجيلك .

صيدلية ** ، صيدلية ** ، صيدليه ** ….. قافلين . كووووولهم قافلين !

ملقيتش حد خالص والله يا محمد … هحاول اديهالها انا بقى وربنا ييسر ..
- ان شاء الله … اتفضل ..
ألف سلامه على حضرتك يا طنط ..
- ربنا يسلمك يا احمد يابنى … محدش بيشوفك ليه ..
مشاغل بقى يا طنط ، معلش .
.
.
.
.
أخنق دراعها كويس يا محمد …
- كده ؟؟
تمام .. بسم الله الشافى .
حاسه بحرقان يا طنط ؟؟
- لأ يا حبيبى .
يبقى كده تمام ان شاء الله …. الف سلامه على حضرتك .
- ربنا يسلمك يابنى ويصلح مابين ايديك ..

بعد ما نزلت …

يصلح مابين ايديك
يصلح مابين ايديك
يصلح مابين ايديك

بعد ما روحت …
يصلح مابين ايديك
يصلح مابين ايديك

تانى يوم برضه لسه الكلمه فى ودنى
يصلح ما بين ايديك ..

آمين يارب !

الأحساساللى انا حاسه بقى … صعب يتوصف . بجد صعب يتوصف !

الجو برد ..من زمان مكانش الجو برد كده.. وانا شبه مطرود من أوضتى - أو من مملكتى- اللى إحتلها جوز اختى الليلة دى .. طعم النسكافيه البلاك مع السيجارة الكليوبترا فى البرد ده يجنن .. أول مرة أجرب الكليوبترا .. بيقولوا ان ليها طعم مميز .. طعم مصر . وعلشان كده حبيت أجربها ( لو فعلاً السيجارة دى بطعم مصر يبقى مصر حامية  أوى ) … كتاب الفارما على الترابيزه الصغيرة فى الأنتريه فكرنى بأيام جميلة .. أيام بعيده أوى ، لما كنت بذاكر على الترابيزه دى حساب أو اتعلم اكتب A, B .يااااااه .. فات ييجى 15 سنة على الأيام دى … ومع ذلك فاكرها كأنها امبارح . قد كده الأيام بتعدى بسرعة ؟ قد كده العمر بيجرى واحنا مش واخدين بالنا ؟؟

نفسى الدنيا تمطر .. الجو ده مش ناقصه غير المطر . ساعتها كنت آخد صورة للأنتريه ، بالكتب اللى على الترابيزة ، ومج النسكافية الفاضى وتواشيح الفجر فى الجامع اللى جنبنا ، وأحلامى اللى متنطورة على السجاده ، واسمى الصورة دى ” أحلى الأوقات “

يارب تمطر ،،

معكِ الزمن يختلف
أعجز عن حسابه بقواعده التقليدية ،
لا استطيع وصفه ببطء أو سرعه ..
هو فقط ….. مختلف .
***
16 - 4 - 2007
***

كثيراً ما تعجبت ونحن معاً
لماذا يمضى الوقت بهذا الشكل الـ…. غريب !
كلمح البصر يمر .. فتذهبين ،
وحينما استرجعه داخلى ، يستحيل دهوراً !

أوتدرين .. يدهشنى امر ..
ظننت البارحة أن حبى لك قد فاق كل الحدود ..
وأنه لم يعد باستطاعتى أن احبك أكثر .
اليوم ، أرى أن حبى لكِ قد تعاظم
وأن حب البارحة مقارنة به .. لا شئ !
أهناك حدود للحب ؟؟

أعشق وقت الغروب ..
وأكرهه حين تكونين معى .
حين تنظرين تلك النظرة المضطربة الرائعه
وتقولين … سأرحل ، تأخرت .

تنظرين لساعة يدك فأنتفض ..
أود لو رجوتها فتبطئ قليلاً .
حتى يطول لقائنا لحظات …
وتطول حياتى دهوراً !

كم تمنيت لو أنى املك آلة زمن ..
لكنت استخدمتها أجمل استخدام .
فأرجعت الزمن للوراء أعواماً
لا لشئ إلا لأصح خطأ لا دخل لى فيه
وهو أنى لم أركِ منذ بداية حياتى ..

صـــبـــاح الـقــهـــوة

هــــــــنــــــــــــا

لا تفوتكم ……. حقاً !

اتخذت اليوم قراراً …

قرار خطير .. ربما اخطر قرار اتخذته حتى الآن ..

 ما اصعب قراراتنا عندما يتعلق بها حياة انسان !

هذا أنا …

هؤائى لدرجة كبيرة .. سيئة بالواقع !

أحاول جاهداً الإستقرار ..

فى ماذا ؟؟ لا يهم ..

المهم أن أستقر !!

يضايقنى هذا كثيرا ً !